ദുബൈ: ഓര്‍മ ആഭിമുഖ്യത്തില്‍ ജൂണ്‍ 1, 2 തീയതികളില്‍ സാഹിത്യ അക്കാദമിയുമായി ചേര്‍ന്ന് സംഘടിപ്പിക്കുന്ന സാഹിത്യോത്സവം 2024ന്റെ സംഘാടക സമിതി രൂപീകരണ യോഗം അഭിനേതാവ് അനീഷ് രവി ഉദ്ഘാടനം ചെയ്തു. ഓര്‍മ പ്രസിഡന്റ് ഷിജു ബഷീര്‍ അധ്യക്ഷനായ യോഗത്തില്‍ യു.എ.ഇയിലെ മുതിര്‍ന്ന എഴുത്തുകാരായ മുരളി മംഗലത്ത്, പി.മണികണ്ഠന്‍, കെ.എം അബ്ബാസ് എന്നിവര്‍ സംസാരിച്ചു. എം.ഒ രഘുനാഥ്, ഒ.സി സുജിത്, അംബുജം സതീഷ് ആശംസ നേര്‍ന്നു.

ഓര്‍മ ജന.സെക്രട്ടറി പ്രദീപ് തോപ്പിലിന്റെ സ്വാഗത ഭാഷണത്തോടെ ആരംഭിച്ച യോഗത്തില്‍ സാഹിത്യ വിഭാഗം കണ്‍വീനര്‍ ബാബുരാജ് ഉറവ് നന്ദി പറഞ്ഞു. പരിപാടിയുടെ വിജയത്തിനായി 101 അംഗ എക്‌സിക്യൂട്ടീവ് കമ്മിറ്റിക്കും വിവിധ സബ് കമ്മറ്റികള്‍ക്കും രൂപം നല്‍കി. 

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: