ജനീവ: ഗസ്സയിൽ ഇസ്‌റാഈൽ ആക്രമണത്തിൽ കൊല്ലപ്പെട്ടവരുടെ എണ്ണം കൃത്യമാണെന്ന് ലോകാരോഗ്യ സംഘടന (ഡബ്ല്യു.എച്ച്.ഒ). ഗസ്സ ആരോഗ്യ മന്ത്രാലയം നൽകുന്ന കണക്കിനോട് പൂർണ തൃപ്തിയുണ്ടെന്നും ലോകാരോഗ്യ സംഘടന പറഞ്ഞു.

കൊല്ലപ്പെട്ടവരുടെ എണ്ണത്തെ ഇസ്‌റാഈൽ ചോദ്യം ചെയ്തതിനെ തുടർന്നാണ് ലോകാരോഗ്യ സംഘടനയുടെ വിശദീകരണം. ഇതുവരെ 35,000ത്തിലധികം പേരാണ് ഗസ്സയിൽ കൊല്ലപ്പെട്ടത്. ഇതിൽ കാൽലക്ഷം പേരെ മാത്രമാണ് തിരിച്ചറിഞ്ഞത്.

കൊല്ലപ്പെട്ടവരിൽ പകുതിയിലേറെയും സ്ത്രീകളും കുട്ടികളുമാണ്.