കുവൈത്ത് സിറ്റി: കുവൈത്തിൽ ഇന്ന് പകൽ മഴയ്ക്ക് സാധ്യതയുള്ളതായി കുവൈത്ത് കാലാവസ്ഥ വകുപ്പ്. ബുധനാഴ്ച ഉച്ച മുതൽ തുടങ്ങുന്ന മഴ വ്യാഴാഴ്ച വൈകുന്നേരം വരെ നീളുമെന്നാണ് കാലാവസ്ഥ വകുപ്പിൻറെ പ്രവചനം. വ്യാ​ഴാ​ഴ്ച വൈ​കു​ന്നേ​ര​ത്തോ​ടെ ന്യൂ​ന​മ​ർ​ദം പിൻവാങ്ങുമെന്ന് കാലാവസ്ഥ നിരീക്ഷണ കേന്ദ്രം ഡയറക്ടർ അബ്ദുൽ അസീസ് അൽ ഖരാവി പറഞ്ഞു. 

ഇടിയോട് കൂടിയ മഴയ്ക്കാണ് സാധ്യത. കാറ്റിനും സാധ്യത ഉണ്ട്. കാറ്റ് വീശുന്നത് പൊടിപടലങ്ങൾ ഉയരുന്നതിന് കാരണമാകും. ചില പ്രദേശങ്ങളിൽ ദൂരക്കാഴ്ച കുറയാനും ഇടയാക്കുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മഴ മുന്നറിയിപ്പ് പരിഗണിച്ച് പൗ​ര​ന്മാ​രും താ​മ​സ​ക്കാ​രും ജാ​ഗ്ര​ത പു​ല​ർ​ത്ത​ണ​മെ​ന്ന് ജ​ന​റ​ൽ ഫ​യ​ർ​ഫോ​ഴ്‌​സ് ആ​വ​ശ്യ​പ്പെ​ട്ടു. 

സ​ഹാ​യ​ങ്ങ​ൾ​ക്ക് അ​ടി​യ​ന്ത​ര ഫോ​ൺ (112) ന​മ്പ​റി​ൽ ബ​ന്ധ​പ്പെ​ടാമെന്നും അധികൃത‍ർ അറിയിച്ചു.