വാഷിങ്ടണ്‍: ഇസ്‌റാഈലിന് ആയുധം നല്‍കുന്നത് താല്‍ക്കാലികമായി തടഞ്ഞ യു.എസ്, വീണ്ടും 130 കോടി ഡോളറിന്റെ ആയുധം നല്‍കാന്‍ നീക്കമെന്ന് റിപ്പോര്‍ട്ട്. റഫയിലെ ആക്രമണത്തെ യു.എസ് എതിര്‍ക്കുമ്പോഴും ഗസ്സയിലെ വംശഹത്യയ്ക്ക് കൂടുതല്‍ ആയുധം നല്‍കുകയാണ് അമേരിക്ക. 

പുതിയ ആയുധ പാക്കേജ് യു.എസ് ജനപ്രതിനിധി സഭയുടെ പരിഗണയ്ക്ക് വിട്ടെങ്കിലും ഇതുവരെ അംഗീകാരമായിട്ടില്ല. 70 കോടി ഡോളറിന്റെ യുദ്ധടാങ്കില്‍ ഉപയോഗിക്കുന്ന വെടിക്കോപ്പുകള്‍, 50 കോടി ഡോളറിന്റെ വാഹനങ്ങള്‍, 6 കോടി ഡോളറിന്റെ മോട്ടാര്‍ റൗണ്ടുകള്‍ എന്നിവയാണ് ജനപ്രതിനിധി സഭയുടെ അംഗീകാരത്തിനായി സമര്‍പ്പിക്കപ്പെട്ടത്.