തിരുവനന്തപുരം: ഗർഭസ്ഥ ശിശുവിന്റെ മരണവുമായി ബന്ധപ്പെട്ട് പ്രതിഷേധവുമായി കുടുംബം. ഗർഭസ്ഥ ശിശുവിന്റെ മൃതദേഹം വിട്ടു നൽകുന്നത് വൈകിപ്പിച്ചതിലാണ് കുടുംബത്തിന്റെ പ്രതിഷേധം. തൈക്കാട് സർക്കാർ ആശുപത്രിയിലാണ് പവിത്ര - ലിബു ദമ്പതികളുടെ കുട്ടി മരിച്ചത്. മോർച്ചറിക്ക് പുറത്ത് ശവപ്പെട്ടിയുമായി കുടുംബം പ്രതിഷേധിക്കുകയാണ്. 

എട്ടുമാസം ഗർഭിണിയായ പവിത്രയുടെ കുഞ്ഞിന് അനക്കമില്ലാത്തത് കാണിക്കാനായിരുന്നു മെയ് 16ന് രാത്രി 11 മണിയോടെ തൈക്കാട് സർക്കാർ ആശുപത്രിയിൽ എത്തിയത്. എന്നാൽ ഡ്യൂട്ടി ഡോക്ടർ പരിശോധന പോലുമില്ലാതെ മടക്കി അയക്കുകയാണ് ചെയ്തതെന്ന് പവിത്രയുടെ ഭർത്താവ് ലിബു പറഞ്ഞു. 

അടുത്ത ദിവസസും കുഞ്ഞിന് അനക്കമൊന്നും കാണാത്തതിനെ തുടർന്ന് മറ്റൊരു സ്ഥലത്ത് സ്കാനിംഗ് നടത്തുകയായിരുന്നു. പുറത്ത് നടത്തിയ ഈ സ്കാനിംഗിലാണ് കുഞ്ഞ് മരിച്ചതായി കണ്ടെത്തിയത്.