മനാമ:  ബി.എ ഇംഗ്ലീഷ് ലിറ്ററേച്ചര്‍ ആന്‍ഡ് കമ്യൂണിക്കേഷന്‍ ബിരുദ പഠനത്തില്‍ സെക്കന്‍ഡ് റാങ്ക് നേടി മലയാളി വിദ്യാര്‍ഥിനി സെല്‍വ സബിനി. ബഹ്‌റൈന്‍ പ്രവാസി കുടുംബത്തിലെ അംഗമായ സല്‍വയ്ക്ക് എംജി യൂനിവേഴ്‌സിറ്റി പരീക്ഷയിലാണ് റാങ്ക് തിളക്കം.  ബഹ്‌റൈനിലെ സാമൂഹിക പ്രവര്‍ത്തകന്‍ സുനില്‍ ബാബുവിന്റെയും ഇബ്‌നുല്‍ ഹൈത്തം സ്‌കൂള്‍ അധ്യാപിക ആമിന സുനിലിന്റെയും മകളാണ് സെല്‍വ.

മൂവാറ്റുപുഴ നിര്‍മല കോളജിലായിരുന്നു ബിരുദപഠനം. 12 വരെ ഇബ്‌നുല്‍ ഹൈത്തം സ്‌കൂളിലായിരുന്നു പഠിച്ചത്. അതിനുശേഷം ബിരുദ പഠനത്തിനായി നാട്ടിലേക്ക് പോവുകയായിരുന്നു. എറണാകുളം സ്വദേശിയായ സുനില്‍ ബാബു 27 വര്‍ഷമായി ബഹ്‌റൈന്‍ പ്രവാസിയാണ്.