തിരുവനന്തപുരം: സംസ്ഥാനത്ത് ഐഎഎസ് തലത്തില്‍ വീണ്ടും അഴിച്ചുപണി. കെ.എസ്.ആര്‍.ടി.സി മുന്‍ സി.എം.ഡി ബിജു പ്രഭാകറിനെ കെ.എസ്.ഇ.ബി ചെയര്‍മാനായി നിയമിച്ചു. ഗതാഗത വകുപ്പ് സെക്രട്ടറിയുടെ (റെയില്‍വേ, മെട്രോ, വ്യോമയാനം) ചുമതലയും ബിജു പ്രഭാകര്‍ വഹിക്കും. 

ആരോഗ്യ വകുപ്പ് സെക്രട്ടറി എപിഎം മുഹമ്മദ് ഹനീഷിനെ വ്യവസായ വകുപ്പ് പ്രിന്‍സിപ്പല്‍ സെക്രട്ടറിയുടെ പൂര്‍ണ്ണചുമതലയില്‍ നിയമിച്ചു.

കെഎസ്ഇബി ചെയര്‍മാന്‍ രാജന്‍ ഖൊബ്രഗഡെ ആരോഗ്യവകുപ്പ് അഡീഷനല്‍ ചീഫ് സെക്രട്ടറി സ്ഥാനത്ത് തിരിച്ചെത്തി.  തൊഴില്‍ വകുപ്പ് സെക്രട്ടറി കെ വാസുകിക്ക്  നോര്‍ക്ക സെക്രട്ടറിയുടെ അധികചുമതല കൂടി നല്‍കി.