കൊടുങ്ങല്ലൂര്‍: മീന്‍പിടുത്തം കഴിഞ്ഞ് മടങ്ങുകയായിരുന്ന മത്സ്യബന്ധന വള്ളത്തിന്റെ കരിയര്‍ വഞ്ചി മുങ്ങി. വഞ്ചിയിലുണ്ടായിരുന്ന നാല് തൊഴിലാളികളെയും മറ്റ് വള്ളത്തിലെ തൊഴിലാളികള്‍ രക്ഷപ്പെടുത്തി.
ഇന്നലെ രാവിലെ അഴീക്കോട് അഴിമുഖത്താണ് ഭാരതം എന്ന വള്ളത്തിന്റെ കരിയര്‍ വഞ്ചി അപകടത്തില്‍പെട്ടത്.
മത്സ്യബന്ധനം കഴിഞ്ഞ് മടങ്ങുകയായിരുന്നതിനാല്‍ ഏകദേശം രണ്ട് ലക്ഷത്തോളം രൂപയുടെ മത്സ്യവും എന്‍ജിനും നഷ്ടപ്പെട്ടതായി തൊഴിലാളികള്‍ പറഞ്ഞു.