110 പേരുടെ മരണത്തിനിടയാക്കിയ കൊല്ലം പരവൂർ പുറ്റിങ്ങൽ വെടിക്കെട്ട് അപകടത്തിൽ കേസ് വിചാരണ നടപടികൾക്ക് കടക്കുന്നു. അടുത്ത മാസം 24 നാണ് കോടതി കേസ് പരിഗണിക്കുന്നത്. കൊല്ലം സെഷൻസ് കോടതിയിൽ 45 പ്രതികൾ ഹാജർ ആയിട്ടുണ്ട്. 51 പേരായിരുന്നു പ്രതിപ്പട്ടികയിൽ ഉണ്ടായിരുന്നതെങ്കിലും ബാക്കി ആറു പേർ ഇതിനോടകം മരണപ്പെട്ടു. 

2016 ഏപ്രിൽ 10നാണ് പുറ്റിങ്ങൽ വെടിക്കെട്ട് അപകടം സംഭവിക്കുന്നത്. അന്ന് 110 പേർ മരിക്കുകയും അപകടത്തിൽ 656 പേർക്ക് പരിക്കേൽക്കുകയും ചെയ്തു. കലക്ടറുടെ നിരോധന ഉത്തരവ് ലംഘിച്ചാണ് സ്ഥലത്ത് വെടിക്കെട്ട് നടത്തിയത്. തുടർന്നാണ് അപകടം സംഭവിച്ചത്. കേസിൽ ക്രൈംബ്രാഞ്ച് സമർപ്പിച്ചത് 10000 പേജുള്ള കുറ്റപത്രമാണ്.