മനാമ:  ബഹ്‌റൈനിലെ ഇന്ത്യന്‍ എംബസിയുടെ ഹെല്‍പ് ലൈന്‍ നമ്പരില്‍ നിന്ന് വ്യാജ കോളുകള്‍ വിളിച്ച് തട്ടിപ്പ് നടത്തുന്നവര്‍ വ്യക്തിപരമായ വിവരങ്ങളും പെയ്‌മെന്റുകളും  ആവശ്യപ്പെട്ടാണ് വിളിക്കുന്നത്. എംബസിയില്‍ നിന്ന് ഇങ്ങനെ ആരും വിളിക്കുകയില്ല. സി.പി.ആര്‍ നമ്പര്‍, പാസ്‌പോര്‍ട്ട് നമ്പര്‍, വിസ വിവരങ്ങള്‍ എന്നിവ ഇത്തരക്കാരോട് വെളിപ്പെടുത്തുകയോ പണം അടയ്ക്കുകയോ ചെയ്യരുത്.

വ്യക്തിഗത വിവരങ്ങള്‍ ആവശ്യപ്പെടുന്ന വ്യാജ കോളുകള്‍ സംബന്ധിച്ച് ജാഗ്രത പുലര്‍ത്തണമെന്ന് എംബസി സോഷ്യല്‍ മീഡിയ അക്കൗണ്ടില്‍ പറഞ്ഞു. എംബസിയുടെ 24X7 ഹെല്‍പ് ലൈന്‍ മൊബൈല്‍ നമ്പറായ 39418071 എന്ന നമ്പരില്‍നിന്നാണ് പലര്‍ക്കും കോളുകള്‍ വന്നത്. ഈ വ്യാജകോളുകള്‍ വന്നാല്‍ എംബസിയെ cons.bahrainmea.gov.in അല്ലെങ്കില്‍ [email protected] എന്നീ ഇമെയില്‍ വഴി അറിയിക്കാവുന്നത്.