കോഴിക്കോട്: കോണ്‍ഗ്രസ് നേതാവും മുന്‍ എം.പിയുമായിരുന്ന കെ. ഗോപാലന്‍ പൊതുജീവിതത്തിലെ നന്മയുടെ പ്രതീകവും നിലപാടില്‍ ഉറച്ചുനിന്ന വ്യക്തിയുമായിരുന്നുവെന്ന്  മന്ത്രി കടന്നപ്പള്ളി രാമചന്ദ്രന്‍.
കോഴിക്കോട് അളകാപുരിയില്‍ മഹാത്മജി മെമ്മോറിയല്‍ ട്രസ്റ്റ് സംഘടിപ്പിച്ച കെ. ഗോപാലന്‍ അനുസ്മരണ ചടങ്ങില്‍ പുരസ്‌കാര വിതരണവും ചികിത്സാ സഹായധന വിതരണവും നിര്‍വഹിച്ചു സംസാരിക്കുകയായിരുന്നു അദ്ദേഹം.
ചടങ്ങില്‍ സി.കെ നാണു എം.എല്‍.എ അനുസ്മരണ പ്രഭാഷണം നിര്‍വഹിച്ചു. അഡ്വ. പി.എം സുരേഷ് ബാബു, മനയത്ത് ചന്ദ്രന്‍, കെ.പി വിജയകുമാര്‍, വി. അശോകന്‍, എ. സുധീര്‍ ബാബു, ടി.എം വേലായുധന്‍ സംസാരിച്ചു.