ബി.ടെക് ലാറ്ററല്‍ എന്‍ട്രി പ്രവേശന പരീക്ഷ

സംസ്ഥാനത്തിലെ 202425 അദ്ധ്യായന വര്‍ഷത്തെ ബി.ടെക് ലാറ്ററല്‍ എന്‍ട്രി (BLET)   കോഴ്‌സിലേക്ക് എല്‍.ബി.എസ് സെന്റര്‍ നടത്തുന്ന പ്രവേശന പരീക്ഷ  ജൂണ്‍ 30നു വിവിധ പരീക്ഷ കേന്ദ്രങ്ങളില്‍ വച്ച് നടക്കുന്നതാണ്. തുടര്‍ വിവരങ്ങള്‍ക്കായി www.lbscetnre.kerala.gov.in എന്ന വെബ്‌സൈറ്റ് നിരന്തരം സന്ദര്‍ശിക്കുക. 04712324396, 2560327.

വാക്ക് ഇന്‍ ഇന്റര്‍വ്യു

കൊച്ചി: കൊച്ചി ശാസ്ത്ര സാങ്കേതിക സര്‍വകലാശാലയിലെ അപ്ലൈഡ് കെമിസ്ട്രി വിഭാഗത്തില്‍ സി.എസ്.ഐ.ആര്‍ ഫണ്ടഡ് പ്രോജക്ടില്‍ ജൂനിയര്‍ റിസര്‍ച്ച് ഫെല്ലോ (ജെ.ആര്‍.എഫ്) താല്‍കാലിക ഒഴിവിലേക്ക് വാക്ക് ഇന്‍ ഇന്റര്‍വ്യു നടത്തുന്നു. മൂന്ന് വര്‍ഷമാണ് പ്രോജക്ടിന്റെ കാലാവധി. നെറ്റ്/ജെ.ആര്‍.എഫ്/ഗേറ്റ് യോഗ്യതയുള്ളവര്‍ക്ക് അപേക്ഷിക്കാം. 37,000 രൂപയാണ് പ്രതിമാസ ശമ്പളം. ജൂണ്‍ 11നാണ് അഭിമുഖം. വിശദവിവരങ്ങള്‍ക്ക് 04842575804.

ഇന്റഗ്രേറ്റഡ് ഡിപ്ലോമ കോഴ്‌സുകള്‍ക്ക് അപേക്ഷ ക്ഷണിച്ചു

കേരളസര്‍വകലാശാല റഷ്യന്‍ പഠന വകുപ്പ് ആരംഭിക്കുന്ന റഷ്യന്‍ സര്‍ട്ടിഫിക്കറ്റ്, ഇന്റഗ്രേറ്റഡ് ഡിപ്ലോമ (ഒരു വര്‍ഷം) കോഴ്‌സുകള്‍ക്ക് അപേക്ഷ ക്ഷണിച്ചു.  യോഗ്യത: പ്ലസ് ടു/പ്രീ ഡിഗ്രി. അപേക്ഷകള്‍ റഷ്യന്‍ പഠന വകുപ്പിലും സര്‍വകലാശാല വെബ്‌സൈറ്റിലും ലഭ്യമാണ്.  അപേക്ഷാഫീസ് 110 രൂപ, രജിസ്‌ട്രേഷന്‍ ഫീസ് 115 രൂപ.  പൂരിപ്പിച്ച അപേക്ഷകള്‍ ജൂണ്‍ 30 വരെ പാളയം  സെനറ്റ് ഹൗസ് ഹൗസ് ക്യാംപസിലുള്ള റഷ്യന്‍ പഠന വകുപ്പ് ഓഫിസില്‍ സ്വീകരിക്കും.

കുസാറ്റില്‍ ഗസ്റ്റ് അധ്യാപക അഭിമുഖം ജൂണ്‍ 11ന്

കൊച്ചി: കൊച്ചി ശാസ്ത്ര സാങ്കേതിക സര്‍വകലാശാലയിലെ ഡിപ്പാര്‍ട്ട്‌മെന്റ് ഓഫ് സ്റ്റാറ്റിസ്റ്റിക്‌സില്‍ ഗസ്റ്റ് അധ്യാപക നിയമനത്തിന് വാക്ക്ഇന്‍ഇന്റര്‍വ്യു നടത്തും. 

ഉദ്യോഗാര്‍ഥികള്‍ക്ക് ജൂണ്‍ 11, രാവിലെ 10.30ന് കുസാറ്റ് സ്റ്റാറ്റിസ്റ്റിക്‌സ് വിഭാഗത്തില്‍ നടക്കുന്ന അഭിമുഖത്തില്‍ പങ്കെടുക്കാം.

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക