ഗുജറാത്തിലെ രാജ്‌കോട്ടില്‍ ഗെയിമിങ് സെന്ററിലുണ്ടായ തീപിടിത്തത്തില്‍ 20 മരണം. പ്രദേശത്ത് രക്ഷാപ്രവര്‍ത്തനം ഇപ്പോഴും തുടരുകയാണ്. 
രാജ്‌കോട്ടിലെ ടി.ആര്‍.പി ഗെയിമിങ് സോണിലാണ് തീപിടിത്തമുണ്ടായതെന്ന് പൊലീസ് കമീഷണര്‍ രാജു ഭാര്‍ഗവ പറഞ്ഞു. തീ നിയന്ത്രണവിധേയമാക്കിയിട്ടുണ്ട്. ഇതുവരെ 20 മൃതദേഹങ്ങള്‍ പുറത്തെടുത്തിട്ടുണ്ട്. 

കൂടുതല്‍ പേര്‍ അപകടത്തില്‍ മരണപ്പെട്ടിട്ടുണ്ടാകാം. യുവരാജ് സിങ് സോളങ്ക എന്നയാളുടെ പേരിലുള്ളതാണ് ഗെയിമിങ് സോണ്‍. ഇയാള്‍ക്കെതിരെ കേസെടുത്തിട്ടുണ്ടെന്നും കൂടുതല്‍ അന്വേഷണം നടന്ന് വരികയാണെന്നും അദ്ദേഹം പറഞ്ഞു.അപകടത്തില്‍ എത്ര പേര്‍ മരിച്ചുവെന്ന് ഇപ്പോള്‍ പറയാനാവില്ലെന്ന് ഫയര്‍ ഓഫീസര്‍ ആര്‍.എ റോബന്‍ പറഞ്ഞു. മൃതദേഹങ്ങള്‍ തങ്ങള്‍ പുറത്തെടുത്ത് കൊണ്ടിരിക്കുകയാണെന്നും അദ്ദേഹം കൂട്ടിച്ചേര്‍ത്തു. അതേസമയം, അപകടത്തില്‍ പരിക്കേറ്റവര്‍ക്ക് ചികിത്സ ഉറപ്പാക്കാന്‍ നിര്‍ദേശം നല്‍കിയിട്ടുണ്ടെന്ന് ഗുജറാത്ത് മുഖ്യമന്ത്രി ഭൂപേ?ന്ദ്ര പട്ടേല്‍ പറഞ്ഞു.

#WATCH | Gujarat: A massive fire breaks out at the TRP game zone in Rajkot. Fire tenders on the spot. Further details awaited. pic.twitter.com/f4AJq8jzxX

— ANI (@ANI) May 25, 2024