മലപ്പുറം: മമ്പാട് പുള്ളിപ്പാടത്ത് ഭാര്യയെ ഭര്‍ത്താവ് വെട്ടിക്കൊന്നു. മക്കളുടെ കണ്‍മുന്നില്‍ വച്ചാണ് വെട്ടിയത്. പുള്ളിപ്പാടം കറുകമണ്ണ മുണ്ടേങ്ങാട്ടില്‍ പരേതനായ ജോസഫിന്റെയും ഷീബയുടെയും മകള്‍ നിഷാമോള്‍ (32) ആണ് വാടക ക്വാര്‍ട്ടേഴ്സില്‍ കൊല്ലപ്പെട്ടത്. സംഭവശേഷം ഭര്‍ത്താവ് ചുങ്കത്തറ കുറ്റിമുണ്ട ചെറുവള്ളിപ്പാറ ഷാജി (43) സ്റ്റേഷനില്‍ കീഴടങ്ങി.

 മക്കള്‍- ഷാന്‍ഷാജി, നേഹ, ഹെനന്‍, ഹെന്ന. വിദ്യാര്‍ഥികളായ മക്കളുടെ മുന്നില്‍ വച്ചാണ് വൈകിട്ട് 6.30ന് കൊലപാതകം നടത്തിയത്.വാക്കേറ്റത്തിനിടെ കുപിതനായ ഷാജി ഭാര്യയെ വെട്ടുകയായിരുന്നു.