രാജ്യത്തെ ഏറ്റവും വേഗതയേറിയ ട്രെയിൻ ഉടൻ സർവീസ് ആരംഭിക്കുമെന്ന് റെയിൽവേ. ആഗ്ര-ഡൽഹി റൂട്ടിലാണ് ട്രെയിൻ സർവീസ് നിശ്ചയിച്ചിരിക്കുന്നത്. വെറും ഒന്നര മണിക്കൂർ കൊണ്ട് 200 കിലോമീറ്റർ ദൂരം ഓടിയെത്താൻ പാകത്തിലുള്ള ഹൈസ്പീഡ് വന്ദേഭാരത് ആണ് ഒരുങ്ങുന്നത്.

വന്ദേഭാരതിന് 160 കിലോമീറ്റർ വരെ സ്പീഡിൽ സഞ്ചരിക്കാമെങ്കിലും റെയിൽവേയുടെ നിലവിലെ ട്രാക്കുകളിൽ അത് പ്രായോഗികമല്ല. എന്നാൽ ഈ പ്രശ്നം പരിഹരിച്ചാണ് പുതിയ ഹൈസ്പീഡ് വന്ദേഭാരത് ഒരുങ്ങുന്നത്. അടുത്തമാസം അവസാനത്തോടെയാണ് പരീക്ഷണയോട്ടം നിശ്ചയിച്ചിട്ടുള്ളത്. സുരക്ഷയ്ക്ക് പ്രാധാന്യം നൽകുന്ന നൂതന സാങ്കേതിക വിദ്യയിലാണ് ട്രെയിൻ ഒരുങ്ങുന്നത്. 16 ബോഗികളാണ് ഇതിന് ക്രമീകരിച്ചിട്ടുള്ളത്. ചെന്നൈ ഇന്റഗ്രൽ കോച്ച് ഫാക്ടറി ആണ് നിർമ്മാണച്ചുമതല ഏറ്റെടുത്തിട്ടുള്ളത്.