തിരുവനന്തപുരം: പ്ലസ് വണ്‍ പ്രവേശനത്തിനുള്ള ട്രയല്‍ അലോട്ട്‌മെന്റ് നാളെ നടക്കും. സംസ്ഥാനത്താകെ 4,65,960 വിദ്യാര്‍ഥികളാണ് പ്ലസ് വണിന് അപേക്ഷ നല്‍കിയിരിക്കുന്നത്. മലപ്പുറം ജില്ലയിലാണ് ഏറ്റവും കൂടുതല്‍ അപേക്ഷകരുള്ളത്. 82,434 പേര്‍. അപേക്ഷിക്കാനുള്ള അവസാന തീയതി 25 നായിരുന്നു. ആദ്യ അലോട്ട്‌മെന്റ് ജൂണ്‍ അഞ്ചിനാണ് നടക്കുന്നത്. രണ്ടാം അലോട്ട്‌മെന്റ് ജൂണ്‍ 12നും മൂന്നാം അലോട്ട്‌മെന്റ് ജൂണ്‍ 19 നും നടക്കും. ക്ലാസുകള്‍ ജൂണ്‍ 24ന് തുടങ്ങുമെന്നാണ് അറിയിപ്പ്.