സഊദി പ്രോ ലീഗിലും റെക്കോർഡ്‌ കുറിച്ച് ക്രിസ്റ്റ്യാനോ റൊണാൾഡോ. ലീഗിലെ ഒരു സീസണിൽ ഏറ്റവും കൂടുതൽ ഗോൾ നേടിയ താരമെന്ന റെക്കോർഡാണ് ക്രിസ്റ്റ്യാനോ കഴിഞ്ഞ ദിവസം സ്വന്തം റെക്കോഡ് ബുക്കിൽ എഴുതിച്ചേർത്തത്. സീസണിലെ മുപ്പത്തിയൊന്ന് മത്സരങ്ങളിൽ നിന്ന് 35 ഗോളുകൾ നേടിയാണ് താരം റെക്കോഡ് ബുക്കിൽ ഇടം നേടിയത്.

കഴിഞ്ഞ ദിവസം അൽ ഇത്തിഹാദിനെതിരെ നടന്ന മത്സരത്തിന് പിന്നാലെയാണ് ഗോൾ വേട്ടയിൽ ഒന്നാമതെത്തിയത്. മത്സരത്തിൽ ആദ്യ പകുതിയുടെ അധിക സമയത്തും 69-ാം മിനുട്ടിലുമാണ് റൊണാൾഡോയുടെ ഗോളുകൾ പിറന്നത്.

മത്സരത്തിൽ രണ്ടിനെതിരെ നാല് ഗോളുകൾക്ക് അൽ നസർ വിജയിക്കുകയും ചെയ്ക്കു. നാല് വ്യത്യസ്ത ലീഗുകളിലെ ടോപ് സ്കോററാകുന്ന ആദ്യ താരമെന്ന റെക്കോഡും റൊണാൾഡോ സ്വന്തം പേരിലാക്കി. നേരത്തെ ലാലിഗ, സീരി എ, പ്രീമിയർലീഗ് എന്നീ ചാംപ്യൻഷിപ്പുകളിൽ ക്രിസ്റ്റ്യാനോ ടോപ് സ്കോററായിരുന്നു.