താമരശ്ശേരി: മദ്യം സ്ത്രീ വിരുദ്ധവും സാമൂഹ്യ പുരോഗതിക്ക് തടസം സൃഷ്ടിക്കുകയും ചെയ്യുന്നുവെണ്ടന്നും മദ്യ മാഫികളെ പ്രോല്‍സാഹിപ്പിക്കുന്ന നടപടികളില്‍ നിന്ന് സര്‍ക്കാര്‍ പിന്തിരിയണമെന്നും പ്രശസ്ത സാമൂഹ്യ പ്രവര്‍ത്തക കാഞ്ചന കൊറ്റങ്ങല്‍ പറഞ്ഞു. എളേറ്റിലില്‍ 140 ദിവസം പിന്നിട്ട സ്ത്രീകള്‍ നേതൃത്വം നല്‍കുന്ന കള്ള് ഷാപ്പ് വിരുദ്ധ സമരത്തിന്റെ ഭാഗമായി സംഘടിപ്പിച്ച സ്ത്രീശക്തി സമ്മേളനം ഉദ്ഘാടനം ചെയ്യുകയായിരുന്നു അവര്‍.
സമൂഹത്തിലെ അനീതി എതിര്‍ക്കാന്‍ സ്ത്രീകള്‍ നേതൃത്വപരമായ പങ്ക് വഹിക്കണമെന്നും അവര്‍ പറഞ്ഞു. കിഴക്കോത്ത് ഗ്രാമപഞ്ചായത്ത് പ്രസിഡണ്ടന്റ് എന്‍.സി ഉസൈന്‍ അധ്യക്ഷനായി. അഡ്വ. പി. കുത്സു, ഇയ്യച്ചേരി പത്മിനി ടീച്ചര്‍, നൗഫിറ മുഹമ്മദ്, നസീമ ജമാലുദ്ദീന്‍, ശോഭിത ലതീഷ്, സുമയ്യ കുന്ദമംഗലം, എം.എസ് മുഹമ്മദ്, രാധ നാരായണന്‍, നീതു ഷീജിത്ത്, നിഷ തെറ്റത്ത് സംസാരിച്ചു