കട്ടാങ്ങല്‍: കര്‍ഷകരില്‍ നിന്നും കൃഷിഭവന്‍ സംഭരിച്ച മുഴുവന്‍ നാളികേരത്തിന്റെയും വില തിരുവോണത്തിനും ബക്രീദിനും മുന്‍പായി വിതരണം ചെയ്യണമെന്ന് സ്വതന്ത്ര കര്‍ഷസംഘം കുന്ദമംഗലം നിയോജക മണ്ഡലം കമ്മിറ്റി സര്‍ക്കാരിനോടാവശ്യപ്പെട്ടു. എ.വി മൊയ്തീന്‍കോയ അധ്യക്ഷത വഹിച്ചു. കൃഷിക്കാരുടെ മുഴുവന്‍ നാളികേരവും എടുക്കാനും ഒരാഴ്ചക്കുള്ളിലെങ്കിലും വില ലഭ്യമാക്കാനുമുള്ള സ്ഥിരസംവിധാനം ഉടന്‍ ഉണ്ടാക്കണമെന്നും യോഗം ആവശ്യപ്പെട്ടു.
ജില്ലാകമ്മിറ്റി ട്രഷറര്‍ പി. ബീരാന്‍കുട്ടി ഉദ്ഘാടനം നിര്‍വഹിച്ചു. ആവശ്യങ്ങള്‍ അംഗീകരിച്ചില്ലെങ്കില്‍ കൃഷി ഭവനുകള്‍ക്ക് മുന്‍പില്‍ സമരം നടത്താനും യോഗം തീരുമാനിച്ചു. കളത്തില്‍ ഇസ്മായില്‍ മാസ്റ്റര്‍.കരിപ്പാല അബ്ദുറഹിമാന്‍, പി.പി.എ കാദര്‍ മാസ്റ്റര്‍, മുഹമ്മദ് ചെറൂപ്പ, കെ, ഹബീബ്, മലയില്‍ അബ്ദുറഹിമാന്‍, അബ്ദുസലാം ഏരഞ്ഞിക്കല്‍, പി,പി ഹസന്‍, ചാലില്‍ അബ്ദുള്ള, മുളയത്ത് മുഹമ്മദ്, ടി.വി.എം അബ്ദുള്ള, ഒ. മുഹമ്മദ് മാസ്റ്റര്‍, എം.പി അബ്ദുല്‍ അസീസ് സംസാരിച്ചു.