വടകര: ദേശീയ കായിക ദിനാചരണത്തിന്റെ ഭാഗമായി ഒരാഴ്ച നീണ്ടുനില്‍ക്കുന്ന പരിപാടികളൊരുക്കി മയ്യന്നൂര്‍ എല്‍.പി സ്‌കൂള്‍. രണ്ടുഘട്ടങ്ങലിലായാണ് സ്‌കൂളില്‍ പരിപാടികള്‍. പത്രങ്ങള്‍, കായിക പ്രസിദ്ധീകരണങ്ങള്‍ എന്നിവയുടെ വിപുലമായ ശേഖരണമൊരുക്കി രാജ്യത്തിന്റെ കായിക ചരിത്രവും വര്‍ത്തമാനവും പരിചയപ്പെടുത്തുന്ന പ്രദര്‍ശനങ്ങള്‍, കായിക ക്വിസ്, കായിക ശേഷി ബോധവത്കരണം എന്നിവായാണ് നടത്തിയത്. രണ്ടാം ഘട്ടത്തില്‍ കായിക പ്രതിഭകളെ ആദരിക്കല്‍, കുട്ടികളുടെ കായിക ശേഷി വികസനത്തിന് കളരി പരിശീലനം, നീന്തല്‍ പരിശീലനം എന്നീ പരിപാടികള്‍ നടപ്പിലാക്കുകയാണ് സ്‌കൂളിന്റെ ഉദ്ദേശ്യം.