കര്‍ണാടകയിലെ തുംകുറിലെ കുനിഗല്‍ ജില്ലയില്‍ ഭക്ഷണം വിളമ്പിയില്ലെന്നാരോപിച്ച് ഭാര്യയെ കൊന്ന് തൊലിയുരിഞ്ഞ യുവാവിനെ പൊലിസ് അറസ്റ്റ് ചെയ്തു.രക്തത്തില്‍ കുളിച്ച്, തൊലിയുടെ താഴെയുള്ള ഞരമ്പുകള്‍ കാണാവുന്ന തരത്തിലും, തല ശരീരത്തില്‍ നിന്നും വേര്‍പെട്ട നിലയിലുമുള്ള യുവതിയുടെ ശരീരം യുവാവിന്റെ വീട്ടില്‍ നിന്നും കണ്ടെടുത്തു.

ശിവരാമ എന്ന പ്രതി സാമില്ലില്‍ ജോലി ചെയ്യുന്നയാളാണെന്നും ഇയാള്‍ ഭാര്യയുമായി മിക്കപ്പോഴും വഴക്കിടാറുണ്ടെന്നും നാട്ടുകാര്‍ മാധ്യമങ്ങളോട് പറഞ്ഞു.ശിവരാമയുടെ ജോലിയെക്കുറിച്ചുള്ള തര്‍ക്കത്തെ തുടര്‍ന്ന് തിങ്കളാഴ്ച രാത്രി യുവതി ഭക്ഷണം വിളമ്പാന്‍ വിസമ്മതിച്ചതാണ് കൊലപാതകത്തിലേക്ക് നയിച്ചത് എന്നാണ് പൊലിസ് പറയുന്നത്.