പാലക്കാട്: പാലക്കാട് ഡിഇഒ ഓഫിസിലെ ഫ്യൂസ് ഊരി കെഎസ്ഇബി. വൈദ്യുതി ബില്‍ കുടിശ്ശിക അടക്കാത്ത സര്‍ക്കാര്‍ സ്ഥാപനങ്ങുടെ കണക്ഷന്‍ വിച്ഛേദിക്കുന്ന നടപടി തുടരുകയാണ് കെഎസ്ഇബി. വൈദ്യുതി കുടിശ്ശിക അടക്കാത്തതിനാലാണ് പാലക്കാട് ഡിഇഒ ഓഫിസിലെ ഫ്യൂസ് കെഎസ്ഇബി ഊരിയത്. ഇത് രണ്ടാം തവണയാണ് ഈ ഓഫിസിലെ ഫ്യൂസ് ഊരുന്നത്.

 24,016 രൂപ കുടിശ്ശികയുള്ളതിനാലാണ് കണക്ഷന്‍ വിച്ഛേദിച്ചത്. അധ്യയനം ആരംഭിക്കാനിരിക്കെയാണ് അപ്രതീക്ഷിതമായി ഓഫിസിലെ ഫ്യൂസ് ഊരിയത്. കഴിഞ്ഞ ഏപ്രിലിലും കുടിശ്ശികയുടെ പേരില്‍ ഡിഇഒ ഓഫിസിലെ ഫ്യൂസ് ഊരിയിരുന്നു. ഫണ്ട് ലഭ്യമാക്കാന്‍ വിദ്യാഭ്യാസ വകുപ്പ് അധികൃതരെ വിവരം അറിയിച്ചതായി ഡിഇഒ ഓഫിസ്അറിയിച്ചു.