അജ്‌മാൻ: ജൂൺ 1 മുതൽ അജ്‌മാനിൽ ടാക്സി നിരക്കുകൾ കുറയും. നാളെ മുതൽ യുഎഇയിൽ ഇന്ധനവില 20
ഫിൽസ് കുറച്ചതിനെ തുടർന്നാണ് താരിഫ് പുതുക്കിയത്.

അജ്‌മാനിൽ ഇന്ധന വിലയ്ക്കനുസരിച്ച് ടാക്‌സി നിരക്കുകൾ കൂടാറും കുറയാറുമുണ്ട്.നാളെ മുതൽ സൂപ്പർ 98 പെട്രോൾ ലീറ്ററിന് 3.14 ദിർഹം, സ്പെഷ്യൽ 95ന് 3.02, ഇ-പ്ലസ് 91ന് 2.95 ദിർഹമാണ് നിരക്ക്. ജൂണിലെ നിരക്കിൽ പെട്രോളടിക്കുമ്പോൾ 14.80 ദിർഹം വരെ ലാഭിക്കാം.

യുഎഇയിൽ ഇന്ധന വില കുറച്ചു; പെട്രോളിനും ഡീസലിനും ജൂൺ ഒന്ന് മുതൽ വില കുറയും 

ദുബൈ: യുഎഇയിലെ 2024 ജൂൺ മാസത്തെ റീട്ടെയിൽ ഇന്ധന വില വെള്ളിയാഴ്ച പ്രഖ്യാപിച്ചു. മെയ് മാസത്തെ വിലയെ അപേക്ഷിച്ച് ഇന്ധന വിലയിൽ നിരീക്ഷണ സമിതി കുറവ് വരുത്തി. പെട്രോൾ ലിറ്ററിന് 20 ഫിൽസാണ് കുറച്ചത്. പുതിയ നിരക്കുകൾ ജൂൺ 1 മുതൽ പ്രാബല്യത്തിൽ വരും

പുതിയ നിരക്കുകൾ ഇനിപ്പറയുന്നവയാണ്:

സൂപ്പർ 98 പെട്രോൾ ലിറ്ററിന് 3.14 ദിർഹമാണ് ജൂൺ മാസത്തിലെ വില. മേയിൽ 3.34 ദിർഹമായിരുന്നു ലിറ്ററിന് വില. പുതിയ വിലയുമായി താരതമ്യം ചെയ്യുമ്പോൾ 20 ഫിൽ‌സ് കുറഞ്ഞിട്ടുണ്ട്. സ്പെഷ്യൽ 95 പെട്രോളിന് ലീറ്ററിന് 3.02 ദിർഹമാണ് വില. മെയിലെ നിരക്ക് 3.22 ദിർഹമാണ്.

ഇ-പ്ലസ് 91 പെട്രോൾ ലിറ്ററിന് 2.95 ദിർഹമായിരിക്കും ജൂൺ മാസത്തിലെ വില. മെയിൽ ലിറ്ററിന് 3.15 ദിർഹമായിരുന്നു. 

ഡീസൽ വിലയിലും കുറവ് വരുത്തിയിട്ടുണ്ട്. നിലവിലെ നിരക്കായ 3.07 ദിർഹത്തെ അപേക്ഷിച്ച് ഡീസൽ ലിറ്ററിന് 2.88 ദിർഹമായിരിക്കും ജൂൺ മാസത്തിൽ ഈടാക്കുക.

വിതരണ കമ്പനികളുടെ പ്രവർത്തനച്ചെലവ് ചേർത്തതിന് ശേഷം എണ്ണയുടെ ആഗോള ശരാശരി വില കൂടിയാലും കുറഞ്ഞാലും എല്ലാ മാസവും അംഗീകൃത ഇന്ധന വില നിശ്ചയിക്കും. പുതിയ നിരക്കുകൾ എല്ലാ മാസവും ഒന്നാം തിയ്യതി മുതൽ പ്രാബല്യത്തിൽ വരും. 

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: