ഇന്ന് ജൂണ്‍ 1 ലോക ക്ഷീരദിനം. പാല്‍ കുട്ടികള്‍ക്ക് വളരെ ഇഷ്ടമാണ്. പാലും പാലുല്‍പന്നങ്ങളും ശരീരത്തിന് ആവശ്യമായ പോഷണം നല്‍കുന്നതുമാണ്. എല്ലുകളുടെ ആരോഗ്യത്തിനും കാല്‍സ്യം ലഭിക്കുന്നതിനും പ്രതിരോധ ശേഷിക്കുമെല്ലാം പാല്‍ കുടിക്കുന്നത് നല്ലതാണ്. ഇനി പാല്‍ കുടിക്കാത്ത കുട്ടികളെകൊണ്ട് മാതാപിതാക്കള്‍ പലപ്പോഴും പാടുപെടാറുണ്ട്. അവര്‍ക്ക് ഇങ്ങനെ രുചിയുള്ള ഡെസേര്‍ട്ടുകളോ പേഡയോ ഡ്രിങ്‌സോ ഉണ്ടാക്കി കൊടുക്കാവുന്നതാണ്. 

ചേരുവകള്‍

കോണ്‍ഫ്‌ളവര്‍ അല്ലെങ്കില്‍ മൈദ- ഒരു  കപ്പ്
കോഴിമുട്ടയുടെ മഞ്ഞ- ഒന്ന്
പാല്‍ എത്രയാണോ വേണ്ടത് -അര ലിറ്റര്‍ / ഒരു ലിറ്റര്‍
വാനില എസ്സന്‍സ് - ഒരു ടീസ്പൂണ്‍
പഞ്ചസാര - മുക്കാല്‍ കപ്പ്
ബദാം അണ്ടിപരിപ്പ്, പിസ്ത - ഇവയിലേതെങ്കിലും
അലങ്കരിക്കാന്‍ പൊടിച്ചു വയ്ക്കുക

തയാറാക്കുന്ന വിധം
പാലും കോണ്‍ഫ്‌ളവറും നന്നായി മിക്‌സ് ചെയ്യുക (കട്ടകെട്ടാതെ ഇളക്കുക). ഇനി കട്ടിയുള്ള ഒരു നോണ്‍സ്റ്റിക് പാത്രം അടുപ്പത്ത് വച്ച് അതിലേക്ക് തയാറാക്കിവച്ച പാല്‍ മിശ്രിതം ഒഴിച്ചു കൊടുക്കുക. ചെറിയ തീയില്‍ കട്ടപിടിക്കാതെ കൈവിടാതെ ഇളക്കിക്കൊണ്ടിരിക്കുക. ഇതിലേക്ക് പഞ്ചസാരയും വാനില എസ്സന്‍സും ചേര്‍ത്ത് ക്രീമി പരുവത്തിലാവുന്നത് വരെ ഇളക്കുക.  എന്നിട്ട് തീ ഓഫ് ചെയ്യുക . ഇനി സെര്‍വിങ് പാത്രത്തിലേക്ക് മാറ്റി ഒന്നു രണ്ടു മണിക്കൂര്‍ ഫ്രീസ്  ചെയ്യുക. നന്നായി തണുത്താല്‍ അടിപൊളി രുചിയായിരിക്കും. ഇനി ഏതെങ്കിലും ഒരു നട്‌സ് ഇതിന്റെ മുകളില്‍ വിതറി അലങ്കരിക്കുക.