കോഴിക്കോട്: കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നടപടികള്‍ക്കെതിരേ യു.ഡി.എഫ് ജില്ലാ കമ്മിറ്റിയുടെ ആഭിമുഖ്യത്തില്‍ ഇന്നു കലക്ടറേറ്റിന് മുന്നില്‍ ധര്‍ണ നടത്തും. രാവിലെ 10ന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും.
9.30ന് എരഞ്ഞിപ്പാലം ജങ്ഷനില്‍ നിന്ന് പ്രകടനം ആരംഭിക്കും. എം.പിമാരായ എം.കെ രാഘവന്‍, മുല്ലപ്പള്ളി രാമചന്ദ്രന്‍, എം.ഐ ഷാനവാസ്, എം.എല്‍.എമാരായ ഡോ.  എം.കെ മുനീര്‍, പാറക്കല്‍ അബ്ദുല്ല പങ്കെടുക്കും.