കോഴിക്കോട്: 'ഐ.എസ്, സലഫിസം, ഫാസിസം' പ്രമേയത്തില്‍ സംസ്ഥാന എസ്.വൈ.എസ് സംഘടിപ്പിക്കുന്ന ത്രൈമാസ കാംപയിനിന്റെ ഭാഗമായി ജില്ലാ കമ്മിറ്റി നടത്തുന്ന തീവ്രവാദവിരുദ്ധ മതേതര സംഗമം ഇന്ന് ഉച്ചയ്ക്ക് 2.30ന് വടകര ടൗണ്‍ ഹാളില്‍ നടക്കും. സി.എച്ച് മഹ്മൂദ് സഅദി അധ്യക്ഷനാകും. അഡ്വ. എന്‍. ശംസുദ്ദീന്‍ എം.എല്‍.എ ഉദ്ഘാടനം ചെയ്യും. അഡ്വ. ടി. സിദ്ദീഖ്, പി.കെ പ്രേംനാഥ് നല്ലളം, നാസര്‍ ഫൈസി കൂടത്തായി, സിദ്ദീഖലി രാങ്ങാട്ടൂര്‍ പ്രസംഗിക്കും.