ലണ്ടന്‍: ചാംപ്യന്‍സ് ലീഗ് കിരീടത്തില്‍ റയല്‍ മഡ്രിഡ് മുത്തമിടുന്നത് തടയാന്‍ ബൊറൂസിയ ഡോര്‍ട്മുണ്ടിന് കഴിഞ്ഞില്ല. ഇന്ന് പുലര്‍ച്ചെ നടന്ന തീപ്പാറും പോരാട്ടത്തില്‍ ഏകപക്ഷീയാമായ രണ്ട് ഗോളിന് ജര്‍മന്‍ ക്ലബ്ബിനെ തകര്‍ത്തുവിട്ടാണ് സ്പാനിഷ് വമ്പന്മാരായ റയല്‍ കിരീടം ചൂടിയത്. റയലിന്റെ 15മത്തെ കിരീടനേട്ടമാണിത്. അടിയും തിരിച്ചടിയും കണ്ട ആദ്യപകുതി ഗോള്‍രഹിതമായി പിരിഞ്ഞപ്പോള്‍ രണ്ടാം പകുതിയിലായിരുന്നു റയലിന്റെ 2 ഗോളുകളും പിറന്നത്. സ്പാനിഷ് താരം ഡാനി കര്‍വഹാല്‍ (74- ാം മിനിറ്റ്), ബ്രസീലിയന്‍ സൂപ്പര്‍ താരം വിനീഷ്യൂസ് ജൂനിയര്‍ (83) എന്നിവരാണ് ഡോര്‍ട്മുണ്ട് വല ചലിപ്പിച്ചത്.

ആദ്യ പകുതിയില്‍ ഡോര്‍ട്മുണ്ടിന്റെ മുന്നേറ്റങ്ങള്‍ക്കു മുന്നില്‍ പകച്ച റയല്‍ രണ്ടാംപകുതിക്ക് ശേഷം ഉജ്വല പ്രകടനത്തോടെ വിജയം പിടിച്ചെടുക്കുകയായിരുന്നു. ഒരുവേള റയല്‍ ഗോളി കോര്‍ട്ടോയിസിനെ കീഴടക്കിയെങ്കിലും പന്ത് വലതു പോസ്റ്റില്‍ തട്ടി ഗോള്‍ലൈനിലൂടെ ഇടതുഭാഗത്തേക്ക് തെറിക്കുകയായിരുന്നു. 86- ാം മിനിറ്റില്‍ റയലിന്റെ വലയില്‍ പന്തെത്തിച്ചെങ്കിലും ഓഫ്‌സൈഡ് ആയതും ഡോര്‍ട്മുണ്ടിന് തിരിച്ചടിയായി. 

സീസണില്‍ സ്പാനിഷ് ലീഗായ ലാലിഗയും നേടിയാണ് അന്‍സലോട്ടിയും സംഘവും ഇപ്പോള്‍ യൂറോപ്യന്‍ ക്ലബ്ബ് ചാംപ്യന്‍ പട്ടവും നേടിയിരിക്കുന്നത്.

Kloppo is ready! 🔥😍#UCL #UCLFinal pic.twitter.com/pSHSYcIOvP

— Borussia Dortmund (@BVB) June 1, 2024

Dortmund vs Real Madrid highlights, UCL final: DOR 0-2 RMA; Real Madrid wins Champions League