മസ്‌കറ്റ്: മസ്‌കറ്റ് സുന്നി സെന്ററിന് കീഴില്‍ ഈ വര്‍ഷത്തെ ഹജ്ജിനു പോകുന്നവര്‍ക്കായി ഏകദിന ഹജ്ജ് ക്യാമ്പ് റൂവി മന്‍ബഉല്‍ ഹുദാ മദ്രസയില്‍ സംഘടിപ്പിച്ചു. ഹജ്ജിനു പോകുന്നവരും അല്ലാത്തവരുമായി നിരവധി പേര്‍ പരിപാടിയില്‍ സംബന്ധിച്ചു.

മസ്‌കറ്റ് സുന്നി സെന്റര്‍ (എസ്.ഐ.സി.) പ്രസിഡണ്ട് അന്‍വര്‍ ഹാജി അധ്യക്ഷത വഹിച്ചു. മദ്രസാ കണ്‍വീനര്‍ സലിം കോര്‍ണേഷ് ഉദ്ഘാടനം ചെയ്തു. ഷുക്കൂര്‍ ഹാജി ബോഷര്‍, റഫീഖ് ശ്രീകണ്ഠപുരം, ശുഹൈബ് പാപ്പിനിശ്ശേരി, സക്കീര്‍ ഹുസൈന്‍ ഫൈസി എന്നിവര്‍ ആശംസകള്‍ നേര്‍ന്നു സംസാരിച്ചു. 

ഹജ്ജ് സമ്പൂര്‍ണ്ണ പഠനം എന്ന വിഷയം അവതരിപ്പിച്ചുകൊണ്ട് എന്‍. മുഹമ്മദലി ഫൈസി പ്രസംഗിച്ചു. ഹജ്ജ് യാത്ര പ്രസന്റേഷന്‍ സക്കീര്‍ ഹുസൈന്‍ ഫൈസിയും ഹജ്ജും ആരോഗ്യവും എന്ന വിഷയം അവതരിപ്പിച്ചുകൊണ്ട് ബദര്‍ അല്‍സമ ഹോസ്പിറ്റല്‍ കാര്‍ഡിയോളജി സ്‌പെഷലിസ്റ്റ് ഡോക്ടര്‍ അബ്ദുല്‍സലാം ബഷീറും ക്ലാസ് എടുത്തു.

ഇത്തവണയും ഒമാനില്‍ നിന്നും അറുപതോളം മലയാളികള്‍ മസ്‌കറ്റ് സുന്നി സെന്റര്‍ കീഴില്‍ ജൂണ്‍ 8ന് മസ്‌കറ്റില്‍ നിന്നും ഹജ്ജിന് പുറപ്പെടുന്നുണ്ട്. ശൈഖ് അബ്ദുല്‍ റഹ്മാന്‍ മൗലവിയാണ് യാത്ര അമീര്‍.

ഷാജുദ്ദീന്‍ ബഷീര്‍ സ്വാഗതവും മുഹമ്മദ് പന്നിയൂര്‍ നന്ദിയും പറഞ്ഞു.