കോഴിക്കോട്: കോഴിക്കോട് കുന്ദമംഗലത്ത് സ്വകാര്യ ബസ് മരത്തില്‍ ഇടിച്ച് അപകടം. സ്വകാര്യ ബസിലുണ്ടായിരുന്ന 21 യാത്രക്കാര്‍ക്കും അപകടത്തില്‍ പരുക്കേറ്റു. ആരുടെയും പരുക്ക് സാരമുള്ളതല്ലെന്നാണ് പ്രാഥമിക വിവരം. നരിക്കുനി റൂട്ടിലോടുന്ന സ്വകാര്യ ബസാണ് അപകടത്തില്‍പെട്ടത്. 

സ്‌കൂട്ടറിന് മറികടക്കാനുള്ള ശ്രമത്തിനിടയില്‍ ബസ് നിയന്ത്രണം വിട്ട് മരത്തില്‍ ഇടിക്കുകയായിരുന്നു. കുന്ദമംഗലത്തിന് സമീപം പത്താം മൈലിന്‍ ആണ് അപകടമുണ്ടായത്. പരുക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.