തിരുവനന്തപുരം:വിജയക്കുതിപ്പ് തുടര്‍ന്ന് കോണ്‍ഗ്രസ് സ്ഥാനാര്‍ഥി രാഹുല്‍ഗാന്ധി. മത്സരിച്ച രണ്ട് മണ്ഡലങ്ങളിലും ലീഡ് ണ്ട് ലക്ഷം കടന്നു. 2,69,882 ലീഡിലാണ് വയനാട്ടില്‍ രാഹുല്‍ഗാന്ധി മുന്നേറ്റം തുടരുന്നത്. റായ്‌ബേലിയില്‍ 2,010,44 ലീഡ് നില. 

അതേസമയം കേരളത്തില്‍ 17 മണ്ഡലങ്ങളില്‍ യുഡിഎഫ് മുന്നേറ്റം തുടരുകയാണ്. രണ്ടിടത്ത് ബിജെപിയും ഒരിടത്ത് എല്‍ഡിഎഫും ലീഡ് ചെയ്യുന്നുണ്ട്. ലോക്‌സഭാ തെരഞ്ഞെടുപ്പില്‍ വ്യക്തമായ ലീഡ് നേടി കോണ്‍ഗ്രസ് സ്ഥാനാര്‍ഥികള്‍. ആറ് പേരുടെ ലീഡ് ലക്ഷം കടന്നു.  എറണാകുളത്ത് ഹൈബി ഈഡനും മലപ്പുറത്ത് ഇ.ടി മുഹമ്മദ് ബഷീറിനും 2 ലക്ഷത്തിലധികമാണ് ലീഡ്. 

എതിര്‍ സ്ഥാനാര്‍ഥിയായ എല്‍.ഡി.എഫിന്റെ കെ.ജെ ഷൈനിന് നിലവില്‍ ലഭിച്ച ആകെ വോട്ടിനേക്കാള്‍ ലീഡ് സ്വന്തമാക്കിയാണ് ഹൈബി മുന്നറുന്നത്. നിലവില്‍ 141592 വോട്ടിന്റെ ലീഡാണ് ഹൈബിക്കുള്ളത്. നിലവില്‍ ഷൈനിന് കിട്ടിയ ആകെ വോട്ട് 139133 ആണ്.