തിരുവനന്തപുരം: ഡോർ ടു ഡോർ സേവനങ്ങൾക്കായി ഓൺലൈൻ സംരംഭവുമായി കൈകോർത്ത് ബിഎസ്എൻഎൽ. ഇതോടെ സിം കാർ‌ഡ് ഉൾപ്പടെയുള്ള സേവനങ്ങൾ ഇനി വീട്ടിലെത്തും. ‘ലൈലോ’ എന്ന ഓൺലൈൻ സംരംഭവുമായാണ് കരാറാണ്. പുതിയ സിം കാർഡ്, സിം മാറ്റിയെടുക്കൽ, 4ജിയിലേക്ക് മാറ്റൽ തുടങ്ങിയ സേവനങ്ങളെല്ലാം ഇതോടെ വീട്ടിലെത്തും. 

kerala.bsnl.co.in ഹോം പേജിലെ ഇതിനുള്ള ലിങ്കിൽ നിന്ന് ‘ലൈലോ ’യുടെ പേജിൽ എത്തി വീടിന്റെ അഡ്രസ് നൽകി വേണം സേവനം ഉപയോഗിക്കാൻ. 30 രൂപ വരെയാണ് ഡെലിവറി ചാർജ് ഈടാക്കുക. 

സംഗീതജ്ഞ ഡോ. കെ. ഓമനക്കുട്ടിക്ക് സിം കാർഡ് നൽകി പദ്ധതി ഉദ്ഘാടനം ചെയ്യും. തിരുവനന്തപുരം ജില്ലയിൽ ഇന്ന് മുതൽ സേവനം ലഭിക്കും. പിന്നീട് മറ്റു ജില്ലകളിലേക്ക് വ്യാപിപ്പിക്കും.