മലപ്പുറം: ഓണത്തോടനുബന്ധിച്ചു പൊതുവിപണിയിലെ വിലക്കയറ്റം നിയന്ത്രിക്കുന്നതിനും കരിഞ്ചന്ത-പുഴ്ത്തിവെയ്പ് തടയുന്നതിനും നടപടി തുടങ്ങിയതായി ജില്ലാ സപ്ലൈ ഓഫിസര്‍ അറിയിച്ചു.
ഇതിന്റെ ഭാഗമായി ജില്ലയിലെ വിവിധ ഗ്യാസ് ഏജന്‍സികളിലും പൊതുവിപണിയിലും റേഷന്‍ മൊത്തചില്ലറ വ്യാപാര കേന്ദ്രങ്ങളിലും സിവില്‍ സപ്ലൈസ് വകുപ്പ് ഉദ്യാഗസ്ഥരുടെ സ്‌പെഷല്‍ സ്‌ക്വാഡ് പരിശോധന നടത്തുന്നുണ്ട്. ഓണം കഴിയുന്നതുവരെ സ്‌ക്വാഡ് പരിശോധന തുടരുമെന്നു ജില്ലാ സപ്ലൈ ഓഫിസര്‍ അറിയിച്ചു.
പൊതുജനങ്ങളുടെ പരാതികള്‍ ജില്ലാ സപ്ലൈ ഓഫിസിലെയും താലൂക്ക് സപ്ലൈ ഓഫിസുകളിലേയും ഫോണ്‍ നമ്പറുകളില്‍ അറിയിക്കാം.  
ജില്ലാ സപ്ലൈ ഓഫിസ്, മലപ്പുറം 0483 2734912, താലൂക്ക് സപ്ലൈ ഓഫിസ്, ഏറനാട് - 0483 2766230, നിലമ്പൂര്‍ - 04931 220507, പെരിന്തല്‍മണ്ണ - 04933 227238, തിരൂര്‍ - 0494 2422083, തിരൂരങ്ങാടി - 0494 2462917, പൊന്നാനി - 0494 2666019, കൊണ്ടോട്ടി - 0483 2713230.