പാലക്കാട്: പന്നിയങ്കരയിലെ ടോള്‍ പ്ലാസയില്‍ സ്‌കൂള്‍ വാഹനങ്ങളില്‍ നിന്ന് ടോള്‍ പിരിക്കരുതെന്ന് തീരുമാനം. തരൂര്‍ എം.എല്‍.എയായ പി.പി സുമോദിന്റെ നേതൃത്വത്തില്‍ നടന്ന സര്‍വകക്ഷി യോഗത്തിലാണ് നടപടി. ടോള്‍ പ്ലാസയിലൂടെ കടന്നു പോകുന്ന സ്‌കൂള്‍ വാഹനങ്ങളുടെ ലിസ്റ്റ് 15 നകം ടോള്‍പ്ലാസ അധികൃതര്‍ക്ക് കൈമാറണമെന്നാണ് നിര്‍ദേശിച്ചത്.

പ്രദേശവാസികളില്‍ നിന്നുള്ള ടോള്‍ പിരിക്കല്‍ നടപടിയും പിന്‍വലിച്ചു. ഈ മാസം ഒന്നു മുതല്‍ പ്രദേശവാസികള്‍, സ്‌കൂള്‍ വാഹനങ്ങള്‍ എന്നിവര്‍ ടോള്‍ നല്‍കണമെന്ന് ടോള്‍ കമ്പനി അധികൃതര്‍ അറിയിച്ചിരുന്നു.