പത്തനംതിട്ട: മരംമുറി അന്വേഷിക്കാനെത്തിയ ഫോറസ്റ്റ് ഉദ്യോഗസ്ഥരെ സി.പി.എം പ്രവര്‍ത്തകര്‍ ആക്രമിച്ചതായി പരാതി. ഫോറസ്റ്റ് സെക്ഷന്‍ ഓഫിസര്‍ സുരേഷ് , ബീറ്റ് ഫോറസ്റ്റ് ഓഫീസര്‍ അമ്മു ഉദയന്‍ എന്നിവരടക്കം നാല് പേര്‍ക്ക് പരുക്കേറ്റതായാണ് വിവരം. അതേസമയം, സംഭവത്തില്‍ പൊലിസ് കേസ് എടുക്കാന്‍ തയ്യാറായിട്ടില്ലെന്നും ആരോപണം ഉണ്ട്. 

കഴിഞ്ഞ ചൊവ്വാഴ്ച്ച ഉച്ചയ്ക്ക് ഒന്നരയ്ക്ക് വിളക്കു പാറയ്ക്ക് സമീപം വച്ചാണ് സംഭവം. സി.പി.എം നേതാവ് ജേക്കബ് വളയം പള്ളിയുടെ നേതൃത്വത്തിലുള്ള സംഘമാണ് ആക്രമിച്ചതെന്ന് പരാതിയില്‍ പറയുന്നു.