അഗ്നിവീര്‍ നിയമനങ്ങള്‍ക്കായി കരസേന നടത്തുന്ന റിക്രൂട്ട്‌മെന്റ് റാലികളുടെ തീയതികള്‍ പ്രഖ്യാപിച്ചു. ഈ മാസം 24 മുതലാണ് റാലികള്‍ തുടങ്ങുക. സംസ്ഥാനത്ത് കോഴിക്കോട് ആര്‍മി റിക്രൂട്ട്‌മെന്റ് ഓഫീസിനി കീഴിലുള്ള റാലി ജൂലൈ 18 മുതല്‍ 25 വരെ വയനാട് കല്‍പ്പറ്റയില്‍ നടക്കും. തിരുവനന്തപുരം ആര്‍മി റിക്രൂട്ട്‌മെന്റ് ഓഫീസിന് കീഴില്‍ നവംബര്‍ 6 മുതല്‍ 15 വരെ തിരുവനന്തപുരത്താണ് റാലി നടക്കുക. 

വയനാട് റാലിയില്‍ ലക്ഷദ്വീപ്, മാഹി, വടക്കന്‍ ജില്ലകള്‍ക്കാണ് അവസരം. തിരുവനന്തപുരം റാലിയില്‍ തെക്കന്‍ ജില്ലക്കാര്‍ക്കും പങ്കെടുക്കാം. സോള്‍ജ്യര്‍ ടെക്‌നിക്കല്‍ നഴ്‌സിങ് അസിസ്റ്റന്റ്, സിപോയ് ഫാര്‍മ, ആര്‍ടിജെസിഒ എന്നീ വിഭാഗങ്ങളിലേക്കുള്ള (എല്ലാ ജില്ലക്കാര്‍ക്കും) റിക്രൂട്ട്‌മെന്റ് റാലിയും നവംബര്‍ 6 മുതല്‍ 15 വരെ തിരുവനന്തപുരത്ത് നടക്കും. 

ഏപ്രിലില്‍ നടത്തിയ ഓണ്‍ലൈന്‍ പൊതുപ്രവേശന പരീക്ഷയില്‍ (സിഇഇ) യോഗ്യത നേടിയ ഉദ്യോഗാര്‍ഥികള്‍ക്കാണ് റാലിയില്‍ പങ്കെടുക്കാന്‍ അവസരം. അപേക്ഷകര്‍ക്ക് രജിസ്റ്റര്‍ ചെയ്ത ഇ-മെയിലില്‍ അഡ്മിറ്റ് കാര്‍ഡ് ലഭിക്കും. 

വിശദവിവരങ്ങള്‍: www.joinindianarmy.nic.in എന്ന വെബ്‌സൈറ്റ് സന്ദര്‍ശിക്കുക. 

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക