കെ.മുരളീധരന് എന്ത് പദവി നല്‍കണമെന്ന് പാര്‍ട്ടി തീരുമാനിക്കുമെന്ന് കെപിസിസി പ്രസിഡന്റ് കെ.സുധാകരന്‍. ചര്‍ച്ചയില്‍ ഒരാവശ്യവും അദ്ദേഹം മുന്നോട്ട് വെച്ചിട്ടില്ല. മുരളീധരന്‍ ഉന്നയിച്ച വിഷയങ്ങളില്‍ വിശദ ചര്‍ച്ച ഉണ്ടാകും. തൃശൂരിലെ തോല്‍വിയില്‍ വീഴ്ച ഉണ്ടായിട്ടുണ്ട്. അക്കാര്യത്തില്‍ പാര്‍ട്ടി തല അന്വേഷണം നടക്കുമെന്നും മുരളീധരനെ സന്ദര്‍ശിച്ച ശേഷം കെ.സുധാകരന്‍ പറഞ്ഞു.

വൈകുന്നേരം അഞ്ച് മണിയോടെ മുരളീധരന്റെ വീട്ടിലെത്തിയ സുധാകരന്‍ ഏകദേശം അരമണിക്കൂറിലേറെ കൂടിക്കാഴ്ച നടത്തി.കെ.മുരളീധരനെ വയനാട്ടില്‍ മത്സരിപ്പിക്കുന്നതില്‍ തടസമില്ലെന്ന് സുധാകരന്‍ നേരത്തെ പറഞ്ഞിരുന്നു. ഏതു പദവി വഹിക്കാനും മുരളീധരന്‍ യോഗ്യനാണ്. വേണമെങ്കില്‍ കെപിസിസി അധ്യക്ഷ സ്ഥാനവും അദ്ദേഹത്തിന് നല്‍കാമെന്നും സുധാകരന്‍ പറഞ്ഞു.