അബൂദബി; കണ്ണൂര്‍ സ്വദേശിയായ യുവതിയെ അബുദാബിയില്‍ രക്തം വാര്‍ന്ന് മരിച്ച നിലയില്‍ കണ്ടെത്തി. ചിറയ്ക്ക് മാടത്തുകണ്ടി പാറപ്പുറത്ത് സ്വദേശി മനോഗ്ന (31)യാണ് മരിച്ചത്. കൈ ഞരമ്പ് മുറിഞ്ഞ് രക്തം വാര്‍ന്ന് മരിച്ച നിലയിലാണ് മനോഗ്നയെ കണ്ടെത്തിയത്. നാട്ടിലെ ബന്ധുക്കള്‍ക്ക് യുവതി ആത്മഹത്യ ചെയ്‌തെന്ന വാര്‍ത്തയാണ് ലഭിച്ചത്. 

അതേസമയം മനോഗ്നയുടെ ഭര്‍ത്താവ് ലിനകിനെയും കൈ ഞരമ്പ് മുറിഞ്ഞ് രക്തം വാര്‍ന്ന നിലയില്‍ ഗുരുതരാവസ്ഥയില്‍ അബുദാബിയിലെ ആശുപത്രിയില്‍ പ്രവേശിപ്പിച്ചു. മനോഗ്നയുടെ മൃതദേഹം ബനിയാസ് മോര്‍ച്ചറിയിലേക്ക് കൊണ്ടുപോയി.

സംഭവത്തില്‍ പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്. അസ്വാഭാവിക മരണത്തിനാണ് പൊലിസ് കേസെടുത്തിരിക്കുന്നത്.