കോഴിക്കോട്: കോഴിക്കോട് കാറും ടൂറിസ്റ്റ് ബസും കൂട്ടിയിടിച്ച് ഒരാൾ മരിച്ചു. തലശേരി കതിരൂർ സ്വദേശിയായ മൈമുന (42) ആണ് മരണപ്പെട്ടത്. കാറിലെ യാത്രക്കാരിയായിരുന്നു മരണപ്പെട്ട മൈമൂന. എടവണ്ണ  - കൊയിലാണ്ടി സംസ്ഥാന പാതയിലെ മുക്കം ന്നെല്ലിക്കാപറമ്പിലാണ് ബസും കാറും തമ്മിൽ കൂട്ടിയിടിച്ചത്. ഇന്ന് പുലർച്ചെ രണ്ടരയ്ക്കാണ് അപകടം ഉണ്ടായത്. 

പുലര്‍ച്ചെയുണ്ടായ വാഹനാപകടത്തില്‍ കാറിൽ സഞ്ചരിച്ച മറ്റുളവർക്കും പരിക്കേറ്റിട്ടുണ്ട്. കാറിൽ അഞ്ച് പേരാണ് ആകെ ഉണ്ടായിരുന്നത്. പരിക്കേറ്റവരെ ആശുപത്രിയിലേക്ക് മാറ്റി. 

അതേസമയം, തൃശൂരില്‍ കെഎസ്ആര്‍ടിസി ലോ ഫ്ലോര്‍ ബസ് നിയന്ത്രണം വിട്ട് അപകടമുണ്ടായി. ശക്തൻ തമ്പുരാന്റെ പ്രതിമയിലേക്ക് ഇടിച്ചുകയറിയ ബസ് പ്രതിമ തകര്‍ത്തു. അപകടത്തിൽ മൂന്ന് പേര്‍ക്ക് പരിക്കേറ്റു.