പയ്യന്നൂര്‍: ബൈക്കിലെത്തിയ സംഘം വീട്ടമ്മയുടെ കഴുത്തില്‍ നിന്നു മാല പൊട്ടിച്ചെടുത്തു. കുഞ്ഞിമംഗലം തലായിലെ വെള്ളാച്ചേരി വസന്ത(50)യുടെ രണ്ടേ മുക്കാല്‍ പവന്റെ മാലയാണ് കവര്‍ന്നത്. കഴിഞ്ഞദിവസം വൈകുന്നേരം നാലുമണിയോടെ വീടിനടുത്തുള്ള കല്യാണ വീട്ടില്‍ നിന്നു മടങ്ങവേ റോഡിന്റെ എതിര്‍ഭാഗത്ത് നിന്നു ബൈക്കില്‍ വന്ന മോഷ്ടാക്കള്‍ മുന്നോട്ട് പോയി തിരിച്ചുവന്ന് മാല പൊട്ടിച്ചെടുക്കുകയായിരുന്നു. പിടിവലിക്കിടെ മാലയുടെ ഒരു കഷ്ണം വസന്തയുടെ കൈയില്‍ കിട്ടി. വീട്ടമ്മ ബഹളം വച്ചെങ്കിലും മോഷ്ടാക്കള്‍ ബൈക്കില്‍ രക്ഷപ്പെട്ടു. പൊലിസ് കേസെടുത്ത് അന്വേഷണം ആരംഭിച്ചു.