ഒഡീഷയുടെ മുഖ്യമന്ത്രിയായി  മോഹന്‍ ചരണ്‍ മാജി മുഖ്യമന്ത്രിയാകും.ഭുവനേശ്വറില്‍ ചേര്‍ന്ന ബിജെപി നിയമസഭാകക്ഷി യോഗത്തിലാണ് തീരുമാനം. നാലു തവണ എംഎല്‍എയായിരുന്ന മോഹന്‍ ചരണ്‍ മാജിയെ മുഖ്യമന്ത്രിയായി കേന്ദ്ര പ്രതിരോധ മന്ത്രി രാജ്‌നാഥ് സിങാണ് പ്രഖ്യാപിച്ചത്. ബുധനാഴ്ച മോഹന്‍ ചരണ്‍ മാജി സത്യപ്രതിജ്ഞ ചെയ്യും.

മോദിയുള്‍പ്പെടെയുള്ള പാര്‍ട്ടി പ്രധാനപ്പെട്ട നേതാക്കള്‍ ചടങ്ങില്‍ പങ്കെടുത്തേക്കുമെന്ന് റിപ്പോര്‍ട്ടുകളുണ്ട്. പ്രവതി പരീദ,കെ.വി സിങ് ഡിയോ എന്നിവരാണ് മന്ത്രിസഭയിലെ ഉപമുഖ്യമന്ത്രിമാര്‍.കിയോന്‍ജര്‍ നിയമസഭാ മണ്ഡലത്തില്‍നിന്ന് 11,577 വോട്ടിന്റെ ഭൂരിപക്ഷത്തിനാണ് മാജി വിജയിച്ചത്. 24 വര്‍ഷത്തെ നവീന്‍ പട്‌നായിക്കിന്റെ ഭരണം അവസാനിപ്പിച്ചാണ് ഒഡീഷയില്‍ ബിജെപി ഭരണം പിടിച്ചെടുത്തത്.