തൃപ്പൂണിത്തുറ: പാര്‍ക്കിങ് ഗ്രൗണ്ടില്‍ നിര്‍ത്തിയിട്ടിരുന്ന കാറിന് തീപിടിച്ചു. തൃപ്പൂണിത്തുറ ദേവി ആശുപത്രിയുടെ പാര്‍ക്കിങ് ഗ്രൗണ്ടില്‍ നിര്‍ത്തിയിട്ട കാറിനാണ് ബുധനാഴ്ച രാത്രി 10.15ഓടെ തീപിടിച്ചത്.

വാഹനത്തിന്റെ മുന്‍ ഭാഗത്ത് കണ്ട തീ പെട്ടെന്ന് ആളിപ്പടരുകയായിരുന്നു. വിവരമറിഞ്ഞ് ഉടനെ സ്ഥലത്തെത്തിയ ഫയര്‍ ആന്റ് റെസ്‌ക്യൂ സംഘത്തിന്റെ നേതൃത്വത്തില്‍ തീയണച്ചതിനാല്‍ സമീപത്തുണ്ടായിരുന്ന മറ്റു വാഹനങ്ങളിലേയ്ക്ക് പടര്‍ന്നില്ല.