കണ്ണൂർ: കണ്ണൂരിൽ രണ്ട് സി.പി.എം പ്രവർത്തകർക്ക് വെട്ടേറ്റു. കോടിയേരി പാറാലിൽ തൊട്ടോളിൽ സുജനേഷ്, ചിരണങ്കണ്ടി ഹൗസിൽ സുബിൻ എന്നിവർക്കാണ് വെട്ടേറ്റത്. ബി.ജെ.പി - ആർ.എസ്.എസ് പ്രവർത്തകരാണ് ആക്രമണം നടത്തിയതെന്ന് സി.പി.എം ആരോപിച്ചു.

ബുധനാഴ്ച രാത്രിയാണ് സി.പി.എം പ്രവർത്തകർക്ക് നേരെ ആക്രമണമുണ്ടായത്. മാഹി ചെമ്പ്രയില്‍ നിന്ന് ആയുധവുമായി എത്തിയ സംഘമാണ് ആക്രമണം നടത്തിയതെന്നാണ് പരാതി. വെട്ടേറ്റ പ്രവർത്തകർ തലശ്ശേരി സഹകരണ ആശുപത്രിയിൽ ചികിത്സയിലാണ്. സുബിന്റെ തലക്കും കഴുത്തിനുമാണ് പരുക്ക്. സുജനേഷിന്റെ കൈയുടെ എല്ല് പൊട്ടി. തലയ്ക്കും വെട്ടേറ്റു.