ഡല്‍ഹിയിലേക്കുള്ള എയര്‍ഇന്ത്യയുടെ വിമാനം അപ്രതീക്ഷിതമായി റദ്ദാക്കി എന്ന് അറിയിപ്പ്. ഇതിനെ തുടര്‍ന്ന് കൊച്ചി വിമാനത്താവളത്തില്‍ യാത്രക്കാര്‍ പ്രതിഷേധം നടത്തി.വ്യാഴാഴ്ച ഉച്ചക്ക് രണ്ടിന് കൊച്ചിയില്‍നിന്ന് ഡല്‍ഹിക്ക് പുറപ്പെടേണ്ടിയിരുന്ന എ.ഐ419 വിമാനമാണ് റദ്ദാക്കിയത്.

ഉച്ചക്ക് 12.25ന് പോകേണ്ടിയിരുന്ന എയര്‍ഇന്ത്യയുടെ കൊച്ചിലണ്ടന്‍ വിമാനം തകരാറിലായതിനാല്‍ ഡല്‍ഹിക്ക് പോകേണ്ടിയിരുന്ന വിമാനം പകരം ലണ്ടനിലേക്ക് സര്‍വിസ് നടത്തി. വൈകീട്ട് 3.35നാണ് ലണ്ടന്‍ വിമാനം പുറപ്പെട്ടത്. ഡല്‍ഹി വിമാനത്തില്‍ 139 പേരാണ് പോകാന്‍ എത്തിയിരുന്നത്.
വൈകീട്ട് ആറിന് വിമാനം പുറപ്പെടുമെന്ന് അറിയിച്ചെങ്കിലും പിന്നീട് സര്‍വിസ് റദ്ദാക്കി. ഏതാനും യാത്രക്കാരെ മറ്റു വിമാനങ്ങളില്‍ കയറ്റിവിട്ടു.