കോഴിക്കോട്: സ്വകാര്യ ബസിനും വൈദ്യുതി പോസ്റ്റിനും ഇടയില്‍പ്പെട്ട് കാല്‍നടയാത്രക്കാരന്‍ മരിച്ചു. അത്താണിക്കലില്‍ താമസിക്കുന്ന ചാലിയം കപ്പലങ്ങാടി വൈരംവളപ്പില്‍ മുഹമ്മദ് അലി (47)യാണ് മരിച്ചത്. കോഴിക്കോട് ഫറോക്കില്‍ ശനിയാഴ്ച്ച ഉച്ചയ്ക്ക് രണ്ടരയോടെയാണ് അപകടമുണ്ടായത്. 

കോഴിക്കോട്- പരപ്പനങ്ങാടി റൂട്ടിലോട്ടുന്ന സ്വകാര്യ ബസിടിച്ചാണ് അപടകമുണ്ടായത്. വളയ്ക്കുന്നതിനിടെ ബസിന്റെ വശം അലിയുടെ ദേഹത്ത് തട്ടി. തുടര്‍ന്ന് മുഹമ്മദ് അലി ബസിനും പോസ്റ്റിനും ഇടയില്‍പ്പെടുകായിരുന്നു. ബസ് കയറാനായി സ്റ്റാന്‍ഡിലേക്ക് പോകുന്നതിനിടെയാണ് അപകടമുണ്ടായത്. പെരുന്നാളിന് സാധനങ്ങള്‍ വാങ്ങാന്‍ നഗരത്തില്‍ എത്തിയതായിരുന്നു മുഹമ്മദ് അലി.