തിരുവനന്തപുരം:  ജെഡിഎസ് കേരള ഘടകം പുതിയ പാര്‍ട്ടിയായി രൂപീകരിക്കാന്‍ സംസ്ഥാന നേതൃയോഗത്തില്‍ തീരുമാനം. ജെ.ഡി.എസ് എന്ന പേര് ഉപേക്ഷിക്കുമെന്നും എന്നാല്‍ പുതിയ പാര്‍ട്ടിയുടെ പേരില്‍ ജനതാദള്‍ എന്ന് ഉണ്ടാകുമെന്നും പാര്‍ട്ടി അധ്യക്ഷന്‍ മാത്യു ടി തോമസ് വാര്‍ത്താസമ്മേളനത്തില്‍ പറഞ്ഞു. 

ദേശീയ ഘടകവുമായി കേരള ഘടകത്തിന് ബന്ധമില്ലെന്നും പേരില്‍ മാത്രമാണ് ബന്ധം എന്നും മാത്യു ടി തോമസ് പറഞ്ഞു. കേരളത്തിലെ പാര്‍ട്ടി ബിജെപി വിരുദ്ധ നിലപാടുമായി ഇടതുപക്ഷത്തിനൊപ്പം നില്‍ക്കും. 

അതേസമയം നിയമപരമായ വശങ്ങള്‍ കൂടി പരിശോധിച്ച ശേഷമാകും പുതിയ പാര്‍ട്ടി രൂപീകരിച്ച് അതില്‍ ലയിക്കുക. തങ്ങള്‍ ഇടതുപക്ഷത്തിനൊപ്പമാണെന്നും ദേശീയ നേതൃത്വം ബിജെപി ബന്ധം ഉപേക്ഷിച്ചാല്‍ അതിലേക്ക് ലയിക്കുമെന്നും മാത്യു ടി.തോമസ് പറഞ്ഞു.