റിയാദ്: സഊദി അറേബ്യയിൽ എടിഎം കവർച്ചാ ശ്രമത്തിനിടയിൽ മൂന്ന് ഇന്ത്യക്കാര്‍ അറസ്റ്റില്‍. റിയാദിലെ പ്രശസ്ത ബാങ്കിന്‍റെ എടിഎം തകര്‍ത്ത് മോഷണം നടത്തുന്നതിനിടയിലാണ് ഇവർ അറസ്റ്റിലായത്. ലക്ഷണക്കണക്കിന് റിയാല്‍ കവരാന്‍ ശ്രമിച്ച മൂന്നംഗ ഇന്ത്യന്‍ തസ്കര സംഘത്തെ റിയാദ് പൊലിസിന് കീഴിലെ കുറ്റാന്വേഷണ വകുപ്പാണ് പിടികൂടിയത്.

 

നിയമാനുസൃത ഇഖാമകളില്‍ രാജ്യത്ത് കഴിയുന്ന യുവാക്കളാണ് പിടിയിലായത്. എടിഎം തകര്‍ത്തെങ്കിലും പണം കൈക്കലാക്കാന്‍ പ്രതികള്‍ക്ക് കഴിഞ്ഞിരുന്നില്ല. നിയമ നടപടികള്‍ സ്വീകരിച്ച് പ്രതികളെ പബ്ലിക് പ്രോസിക്യൂഷന് കൈമാറിയതായി പൊതുസുരക്ഷ വകുപ്പ് അറിയിച്ചു.