ചേര്‍ത്തല: വീട് പൂര്‍ണമായി കത്തിനശിച്ചു. തണ്ണീര്‍മുക്കം പഞ്ചായത്ത് ഒന്നാംവാര്‍ഡ് കരിയില്‍ ബാബുവിന്റെ വീടാണ് പൂര്‍ണമായി കത്തിനശിച്ചത്. ചൊവ്വാഴ്ച പുലര്‍ച്ചെ ഒന്നോടെയാണ് തീപിടിച്ചത്.
അയല്‍വാസികളാണ് തീപടരുന്നത് കണ്ടത്. അവര്‍ രക്ഷാപ്രവര്‍ത്തനം നടത്തിയെങ്കിലും നിമിഷങ്ങള്‍ക്കകം വീട് ചാമ്പലായി.
വീട്ടുപകരണങ്ങളും വസ്ത്രവുംരേഖകളും ബൈക്കും ഉള്‍പ്പെടെ സര്‍വതും നശിച്ചു. സമീപത്ത് പുതുതായി നിര്‍മിക്കുന്ന വീട്ടിലാണ് ബാബുവും കുടുംബവും കിടന്നത്. അതിനാല്‍ വീട്ടുകാര്‍ രക്ഷപെട്ടു. കത്തിനശിച്ച വീട്ടില്‍ രാത്രി കായലില്‍നിന്ന് വെള്ളംകയറിയതിനാലാണ് മാറിക്കിടന്നത്.
മൂന്ന് ലക്ഷത്തോളം രൂപയുടെ നാശനഷ്ടം കണക്കാക്കുന്നു. വൈദ്യുതിഷോര്‍ട്‌സര്‍ക്യൂട്ടാണ് തിപിടിത്തത്തിന് കാരമായതെന്നാണ് നിഗമനം