ദുബൈ ഈ വർഷത്ത ഹജ്ജും അനുബന്ധ അനുഷ്ഠാനങ്ങളും ഏറ്റവും മികച്ച നിലയിൽ നിർവഹിക്കാൻ സൗകര്യങ്ങളൊരുക്കിയ സഊദി അറേബ്യൻ ഭരണകൂടത്തിന് യു.എ.ഇ ഭരണ കൂടത്തിന്റെ അഭിനന്ദനം.

ഇരു വിശുദ്ധ മസ്‌ജിദുകളുടെ സേവകനും സഊദി അറേബ്യൻ രാജാവുമായ സൽമാൻ ബിൻ അബ്ദുൽ അസീസ് അൽ സഊദിന് യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്‌യാൻ, വൈസ് പ്രസി ഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽമക്തൂം എന്നിവരാണ് അഭിനന്ദന സന്ദേശങ്ങളയച്ചത്.സർവശക്തനായ അള്ളാഹുവിന്റെ അനുഗ്രഹത്താലാണ് ഈ ഹജ്ജ് സീസൺ സമുജ്വല വിജയമാക്കാൻ സാധിച്ചതെന്നും, തീർഥാടകരെ അല്ലാഹുവിന്റെ അതിഥികളായി അതിന്റെ ഉന്നത ബഹുമാനത്തിലും ഉദാരപൂർണമായും സ്വീകരിച്ച് സഊദി ഭരണകൂടം വിവേകപൂർണതയിൽ ഹജ്ജിനെ മികച്ച അനുഭവമാക്കിയെന്നും യു.എ.ഇ നേതാക്കൾ അഭിപ്രാ യപ്പെട്ടു.

യു.എ.ഇ വൈസ് പ്രസിഡന്റും ഉപ പ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്‌യാനും സൽമാൻ രാജാവിന് അനുമോദന സന്ദേശങ്ങൾ അയച്ചു.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: