എരമല്ലൂര്‍ : സ്‌കൂള്‍ വിദ്യാര്‍ത്ഥികള്‍ക്ക് കേന്ദ്ര - സംസ്ഥാന സര്‍ക്കാരുകള്‍ നല്‍കുന്ന സ്‌കോളര്‍ഷിപ്പുകള്‍ കുടിശ്ശിഖ തീര്‍ത്ത് ഉടന്‍ വിതരണം ചെയ്യണമെന്ന് സമസ്തകേരള ജംഇയ്യത്തുല്‍ മുഅല്ലിമീന്‍ ആലപ്പുഴ ജില്ലാ കമ്മറ്റി കേന്ദ്ര സംസ്ഥാന സര്‍ക്കാരുകളോട് ആവശ്യപ്പെട്ടു. ജില്ലാ പ്രസിഡന്റ് പി.എ. ഷിഹാബുദ്ദീന്‍ മുസ് ലിയാരുടെ അദ്ധ്യക്ഷതയില്‍ കൂടിയ യോഗം സമസ്ത ജില്ലാ വര്‍ക്കിംഗ് സെക്രട്ടറി ഹനീഫാ ബാഖവി ഉത്ഘാടനം ചെയ്തു. കെ. ബഷീര്‍ മൗലവി, മുഹമ്മദ് ഷാഫി മുസ്‌ലിയാര്‍, നവാബ് കാക്കാഴം, അബ്ദുള്‍ഖാദര്‍ ദാരിമി, ഹാമിദ് മാസ്റ്റര്‍, അബ്ദുള്‍ നാസര്‍ മുസ്‌ലിയാര്‍, അബ്ദുള്‍ വാഹിദ് മുസ്‌ലിയാര്‍, ജഅ്ഫര്‍ മുസ്‌ലിയാര്‍ തുടങ്ങിയവര്‍ പ്രസംഗിച്ചു.