അബൂദബി: വേനല്‍ക്കാല യാത്രയ്ക്ക് വീട് വിട്ട് പോകുമ്പോള്‍ താമസക്കാര്‍ തങ്ങളുടെ വീടും വസ്തുവകകളും സ്വത്തുക്കളും സുരക്ഷിതമാക്കാന്‍ ആവശ്യമായ പ്രതിരോധ നടപടികള്‍ സ്വീകരിക്കണമെന്ന് അബൂദബി പൊലിസ് ജനറല്‍ കമാന്‍ഡ് ആവശ്യപ്പെട്ടു. സമൂഹ മാധ്യമ അക്കൗണ്ടുകളിലൂടെ 'സേഫ് സമ്മര്‍' കാംപയിന്‍ ആരംഭിച്ച പൊലിസ്, വേനല്‍ക്കാലത്ത് നീണ്ട അവധിക്ക് വിദേശത്തേക്ക് യാത്ര ചെയ്യുന്ന പൗരന്മാരും പ്രവാസികളും അവരുടെ വീടുകള്‍ സുരക്ഷിതമാണെന്ന് ഉറപ്പാക്കണമെന്നും ചൂണ്ടിക്കാട്ടി.